पूर्वराजा ज्ञानेन्द्रले आफ्नो त्रिसट्ठीऔं शुभजन्मोत्सवको पूर्वसन्ध्यामा नागरिक समाजका विभिन्न समूहबाट राखिएको जिज्ञासाको प्रतिउत्तरमा परिवर्तित परिवेशमा पनि देश तथा देशवासीको स्थितिमा कुनै सुधार आउन नसकेकोमा चिन्ता व्यक्त गर्दै अत्यन्त मर्माहत भएको उल्लेख गर्नुभएको छ।

उहाँले राष्ट्रियता, राष्ट्रिय एकता र युग सम्मत प्रजातन्त्रप्रति प्रतिबद्धता पनि व्यक्त गर्नुभएको छ। उहाँले राष्ट्रिय राजनीतिमा संलग्न, राज्य सञ्चालन शक्तिसँग आबद्ध स्वदेशी र विदेशी हितैषीहरुसँग नेपाल र नेपालीप्रति सच्चा दिलले माया गरिदिन आह्वान गर्नुभएको छ।